溫書的心情沒有，娛樂的心情也沒有，終日發夢、還有進行我自入大學以來考試期間必做之事---煲劇……

今次煲的是美國佬的劇：bones同fringe。雖則明珠台都有，但播得慢嘛~~

點解咁耐都重未考…我對住d珍珠衫、百寶箱、李娃好耐啦！！我都唔知溫咩…睇完一次就算啦~~好慘好慘……

近來心情煩悶，不知所謂，煩得連書也溫不好，眼看着筆記，心想着他事，算來算去，沒有結論，沒有結論，又再計算過，依舊無所得。終於，一天的光境就花在遊魂之上。心頭大石未放得下，我想試也不能考得好，希望上天保祐。

也許此事你會說很無聊，但在我看來，能困擾我接近一個月的就是大事。我從未如此擔憂過，也從未如此自卑過。我跟我媽說，我不想看見自己的樣子，走在街上不敢抬頭，不敢看人。我想過，如果金錢可以找回我的自信，我希望自己不要吝嗇，也希望所附出的能有所回報。其實我知道很多人的問題比我嚴重，可能是我庸人自擾，那就當我是庸人自擾好了。

 這個就是我可愛到暈的表姨甥~~

六個月大，有中國、英國同希臘血統……

我今日先知，原來我食o既自助餐要成六百幾一位！！！

我依家先知，原來我食的係平時雜誌見到好high的sunday brunch！！！

真係要嘩嘩聲先得！！！

我曾經講過搵到第一份正職要請我的中同食自助餐，即使係咁誇張，但此刻我仍未後悔！！！

年三十去咗洲際食lunch buffet，的確唔錯唔錯，如果二百幾的話又真係食得過。

紅、白酒同Moet & Chandon 香檳任飲，食咗一隻龍蝦、幾件燒牛肉、幾件煎鵝肝、羊仔骨、鴨肝、西班牙風乾火腿、發霉藍芝士、多件cakes、紅燒翅等，重有伏特加+蕃茄汁(味道似苦苦地的蕃茄汁)，飽到上心口，真係好滿足。

唔知係咪我酒量極淺，定係個朝空肚飲酒，飲咗兩啖香檳已經微醉，面都紅埋，不過呢隻香檳已經算係正野，幾易入口，可以話幾好飲，不過我真係醉了，成餐飯都好眼瞓，好彩之後食咗d鵝肝墊一墊個胃，先冇咁醉。想不到日照當頭，食個午餐，飲啖Champagne都可以get drunk。講開鵝肝，我一向都唔食內臟的，不過真係煎得好香，我都食咗幾塊，不過超多油…發霉芝士臭到嘔…我唔識欣賞。

高級酒店真係唔同d，環境一流，服務周到，經理不時走埋黎問食物啱唔啱口味，侍應又主動盛湯同介紹食物，香檳成日自動添，絕對唔洗叫先會郁。個度老外處處、又有悠揚音樂、加上對住維港，三個鐘頭的buffet真係好抵。如果係年初二，與最愛的人在這裏dinner buffet，一邊欣賞維港煙花，一邊舉着香檳碰杯，的確有情調。洲際的buffet應該暫時係我食過的最好味的。

其時我諗我已經醉咗……

於是，我諗，上天令我用左手寫字，應該係話我知我將來會有一番大作為，在政途上，可能我會係香港首位女特首，在文學的成就中，我可能係首位女性華人的諾貝爾文學獎得主，在經濟發展方面，我可能係第二個bill gates，總之，左手係我可以發圍的一個象徵，我打算係不久的將來為我的左手買重保險。

呢個世界唔會有親人的，呢個世界都是陌生人。

以後同一屋簷下的都係陌生人，咁樣先至會有和平的生活。

我以後返到屋企都唔會講任何野，我發誓我會離開呢個所謂的家as soon as possible。